Vinnublaðið

Nýtt Vinnublað til føroyska lesaran

Vasti hevur ráðgivið, sniðgivið og sett upp nýggja blaðið hjá Business-Line "Vinnublaðið". Blaðið er eitt talgilt tíðarrit, sum kann lesast á www.vbl.fo.

Í oddagreinini í Vinnublaðnum stendur m.a. at lesa:

"Hugskotið til nýggja Vinnublaðið er sprottið úr vinnuportalinum Business-line, bl.fo, ið er eitt ikki ókent “brand” í vinnuliga landslagnum, sum nú gongur á 9. ári."

"Vit halda, at tíðin nú er komin at gera meira burtur úr vinnuliga tíðindapartinum, og í hesum sambandi valdu vit at leggja vinnutíðindi yvir á vbl.fo, ið er stytting fyri Vinnublaðið og ikki ólíkt bl.fo." 

"Við nýggja Vinnublaðnum fær tann framskygdi parturin í vinnuni samstundis ein nýggjan lýsingarpall, ið við greinum, lýsingum, tíðindaskrivum o.ø. hevur møguleika at sýna seg fram í einum nýggjum framtíðar umhvørvi, har allur heimurin er eitt stórt marknaðarpláss."

Vit ynskja Business-Line góða eydnu við Vinnublaðnum.