Jóhan Hendrik W. Poulesen

"Orðabókin" Jóhan Hendrik W. Poulsen 75 ár

Vælumtóktu útvarpssendingarnar hjá Jóhan Hendrik W. Poulsen, sum byrjaðu fyri skjótt fjøruti árum síðani og vóru at hoyra heilt fram til 1993, eru nú givnar út í bók. Yvir 300 fólk vóru til hátíðarhaldið, sum var hildið í Læraraskúlahøllini í sambandi við føðingardagin og bókaútgávuna, fyri at heilsa uppá føðingardagsbarnið. Jonhard Mikkelsen og Anfinnur Johansen frá Sprotanum, handaðu Jóhan Hendrikki fyrsta eintakið av Orðabókini. Tað var ein rørdur Jóhan Hendrik, ið takkaði fyri bókina og ta stóru fjøld, sum var samlað henda fagra summardag. Orðabókin er ein vøkur sniðgivin heilbindsbók við heili 1000 blaðsíðum og er prentað í 1200 eintøkum. Estra og Vasti hava staðið fyri framleiðsluni av bókini. Vit á Estra og Vasti ynskja Sprotanum tillukku við útgávuni og Jóhan Hendrikki tillukku við degnum.